منتخب مصر يبني جيل عالمي تحت قيادة أجيري ..تعرف علي التفاصيل
منتخب مصر خاص أهم ، مباراة في تصفيات كاس الأمم الأفريقية شارك فيها 4 نجوم صاعدين أكبر واحد فيهم عنده 22 سنة “باهر المحمدي،
صلاح محسن، طاهر محمد ومحمد محمود” غير مواهب تانية صاعدة بشكل مبشر جدا
زي زيزو وأوباما وصادق ومصطفى محمد وبجانب العديد الكبير و”غير المعتاد” من المواهب
الصاعدة اللي خدت ثقة، بنتكلم عن جيل فيه واحد من أفضل 3 لاعبين في العالم بشكل
مكانش يخطر في أحلامنا، وفيه جناح بموهبة تريزيجيه، وفيه مدافع بإمكانيات حجازي
منتخب مصر يسير علي الطريق الصحيح بعد لقاء تونس
وفيه أسماء مالية أماكنها بشكل ممتاز زي طارق حامد والنني نغمة انعدام مواهب الكرة
المصرية في الوقت الحالي وأسطورة “القماشة” أشياء مالهاش أي أساس من الصحة،
وصدرها دراويش كوبر لتبرير الشكل الهزيل للمنتخب، وبدرجة أقل المتعاطفين مع مجلس
إدارة الأهلي لتبرير التأخر في إبرام صفقات قوية سنة 2004 بعد خروج منتخب مصر من الدور الأول لكاس الأمم الأفريقية
اترددت نفس النغمة.. وبعدها بشهور معدودة اتكون جيل النهاردة الناس بتتغنى بيه
وتعتبره الأفضل في تاريخ الكرة المصرية الحقيقة ان عمرنا ما كنا البرازيل ولا ألمانيا علشان
نطلع 3 و4 مواهب مميزة كل سنة، ويبقى منتخبنا متكامل بلاعبين سوبر في كل المراكز..
طول عمر منتخبنا عنده نواقص في بعض المراكز، وإلا لو عندنا 11 صلاح وتريزيجيه كنا
ننافس على كاس العالم المواهب موجودة لكن لما حد يشتغل عليها ويعتني بيها.
منتخب مصر قادر علي بناء جيل قوي جديد
أبو تريكة فضل لغاية سن 26 سنة لاعب مستوى تاني، مالعبش مع منتخب مصر غير تلت ساعة كبديل قدام إستونيا،
في مباراة ودية كان الجوهري رحمة الله عليه بيلعبها بالشباب والصف التاني سنة 2001.
وبمجرد انتقاله للأهلي بقى من أساطير الكرة المصرية نظرية ان اللاعب ده موهوب بس
ماينفعش تحكم عليه طالما مش بيلعب لأهلي وزمالك ومنتخب عجيبة جدا.. وهاتحكم عليه ازاي اصلا وهو ماخدش الفرصة؟..
باهر وطاهر ومحمد محمود لا لعبوا لأهلي وزمالك وخبرتهم محدودة جدا، والنهاردة بياخدوا
أماكن في منتخب مصر النغمة دي بقت مملة جدا الحقيقة،
والرد عليها هايكون في الملعب بجيل إن شاء الله هايكون مع الوقت من أفضل الأجيال في تاريخ الكرة المصرية،
وتحت قيادة مدرب “حقيقي” مش موظف، عنده الشجاعة انه يحرك جيل كامل،
مش يفضل مستخبي تحت الكرسي على أمل ان الخناقة تخلص من غير ما طوبة تيجي فيه