الأهلي اليوم : خسارة الأهلي للقب الأفريقي للموسم الثالث علي التوالي ، نتيجة سوء
تخطيط وأخطاء متراكمة من 2014 اخطاء كتير حصلت علي مدار ال 5 سنوات الماضية هي
اللي أدت إننا نبعد عن بطولة أفريقيا من اخر مرة حصل عليها النادي الأهلي في سنه 2013 !!!!!!!!
الأهلي اليوم : نهاية جيل ذهبي وفشل في التعاقدات
الأهلي اليوم : في أواخر عام 2013 وبداية عام 2014 أعلن 4 لعيبة من كبار لاعبي النادي
الأهلي إعتزالهم واللي قدروا يعملوا تاريخ عظيم مع النادي ( بركات _ تريكة _ معوض _ وائل جمعة ) ،
كان من الطبيعي وقتها إن بعد إعتزال 4 أساطير من الفريق ولاعبين موثرين بالشكل دة
اننا نبني فريق قوي ونعوض غياب اللاعبين لكن تعاقدنا مع موسي إيدان و مسعد عوض و أحمد رؤوف وأحمد خيري و صبري رحيل !!!!!!!!!!!
الأهلي اليوم : وصلنا لموسم 2014 / 2015 تعاقدنا مع محمد فاروق ومحمد رزق وباسم
علي وإسلام رشدي وبيتر إيبيمبوي ولؤي وائل وشريف حازم وحسين السيد وصلاح الدين
سعيدو والإتنين السوبر في الصفقات دي كانوا رجوع مؤمن زكريا وحسام غالي ، وصلنا
بحمد الله لموسم 2015 / 2016 واللي صفقاته كانت فيها الأمل الحقيقي إننا نتربع علي
عرش أفريقيا وبالفعل تعاقدنا مع صفقات من العيار الثقيل زي مثلا
أحمد حجازي وماليك إيفونا ورامي ربيعة وجون انتوي وصالح جمعة وعمرو السولية ومحمد
حمدي ذكي وأحمد الشيخ مع رجوع احمد فتحي وتصعيد تريزيجية ورمضان صبحي
الأهلي اليوم : الأهلي يدفع ثمن سياسات الخطيب وطاهر
الأهلي اليوم : وكإن صعبان علينا إننا نكون فريق قوي يجاري المستويات الفنية اللي بتزيد
يوم عن يوم في أفريقيا ، النادي الأهلي إتحول لنادي إستثماري واللعيبة القوية اللي
إتعاقدنا معاها تم بيعهم أحمد حجازي وتريزيجية وإيفونا ورمضان وأنتوي تمت إعارتة ب نية
البيع وفجأة رجعنا تاني لنقطة الصفر وصلنا لموسم 2016 / 2017 وإتعاقدنا مع 8 صفقات
،علي معلول وجونيور اجاي ومروان محسن ومحمد الشناوي وسليمان كوليبالي وميدو
جابر وعمرو بركات وأحمد حمودي وتقريبا اللعيبة دي مستفدناش منهم الإستفادة القصوي
غير ب معلول وأجاي وطبعا كل اللعيبة اللي جت في الفترات دي كلها هتاخد وقت عشان
الإنسجام والإنصهار والتفاهم والتجانس مع باقي عناصر الفريق
الأهلي اليوم : وصلنا لموسم 2017 / 2018 وإتعاقدنا مع 8 صفقات أزارو وباكاماني وهشام
محمد ومحمد شريف وإسلام محارب وأيمن اشرف وعلي لطفي وصلاح محسن ، وصلنا
لموسم 2018 / 2019 عملنا في الصيف ميركاتو كارثي لايليق بطموحات النادي الأهلي
وجماهيرة ولما حصل هزة كبيرة للفريق حاولنا ننقذ مايمكن إنقاذة في الميركاتو الشتوي
وعملنا تعاقدات مميزة جدا رمضان صبحي ومحمد محمود وحسين الشحات ومحمود وحيد وحمدي فتحي وياسر إبراهيم وجيرالدو وأحمد علاء
الأهلي اليوم : ومن ضمن أخطاء المواسم السابقة هو الاصرار الشديد والغير مبرر من
المجالس المتعاقبة علي إستمرار ( الطبيب ) الخاص بالفريق واللي كان السبب في
مشاكل كبيرة جدا للاعبين نتيجة التشخيصات الخاطئة ونتيجة تحديدة لفترة علاج غير صحيحة ومواعيد غير منضبطة لعودة اللاعبين من الإصابات