الأهلي نيوز : الصفقة السوبر للأهلي التي تعيد أفريقيا للأهلي

الأهلي نيوز : الأهلي بيضم أغلى اسكواد افريقي وبفارق شاسع عن أقرب منافسيه ، ولو

بتتكلم على المستوى العام مش النسخة دي فقط فمفيش فريق عنده في مركز ٦ ديانج

وحمدي فتحي، ولا في مركز ١٠ أفشة وصالح ربنا يهديه ومحمد محمود وعمار ، دكة

الأهلي أقوى من أقوى دكة افريقية، مفيش فريق عنده التنوع ده ولا عناصر بالتقل الفني

ده صف ثاني! الأهلي عنده كم من اللاعبين على الدكة يلعبوا أساسيين في الثلاثي

القاري الأكبر مازيمبي والوداد والترجي

الأهلي نيوز : لا ينفص هذه  المنظومة دي كلها من إدارة وجهاز فني ولاعبين غير المهاجم

السفاح اللي يتوج كل التكامل ده، اللي يفنش كل الشغل العظيم ده، واللي لو كان

موجود آخر ٣ مواسم لكان الأهلي بطلهم جميعا! لذلك على الأهلي ان يصرف ببذخ على

تلك الصفقة ، أما على المستوى العام مش بس النسخة الحالية، فشراء الأهلي لحجازي

ومعه جلال أو باهر لتدعيم الدفاع وكمان باهر هيقفلك اليمين، وشراء رمضان، و٢ أجانب

سوبر مكان أزارو ثم جيرالدو كفيل لضمان الأهلي فنيا اكتساح القارة ال٤ مواسم المقبلة

الأهلي نيوز :معلول مثلا هو أفضل ظهير مصري عربي أفريقي ، ديانج كمقومات جسدية

وبدنية ومجهود وإمكانيات فنية متكاملة أظهرها حتى اللحظة فهو لا يقارن محليا ويبدو انه

قريبا جدا جدا سيصبح الأفضل افريقيا ، أجايي مهما أختلفت عليه يبقى واحد من أهم

عناصر الفريق وجوكر ومؤثر في الليالي الكبرى ولا غنى عنه ، محتاج تكمل عليهم وتصرف

دون أي تقصير على ٢ أجانب كمان فرز أول مش عناصر متوسطة ولا مبشرة لا لاعيبة

جاهزة تيجي تجيبلك افريقيا علطول، وبالتأكيد هي صفقات مكلفة في حاجة لدعم من

رجال أعمال النادي