الأهلي نيوز : الأهلي يستعيد الشخصية في أفريقيا .. وسر تطور فايلر

الأهلي نيوز : لعب الأهلي لعب مباشر أغلبه كور طويلة و أغلبها قدر مروان و آجاي

يكسبوها و هي دي كانت نقطة تحول الأهلي من الدفاع للهجوم..ثاني ماتش على

التوالي فايلر يستخدم نفس الأسلوب شوط تاني متوازن من فايلر قدر يسجل فيه هدف

مهم جدًا في بدايته و من بعد الجول قرر فايلر يستخدم دكة البدلاء إستخدام هجومي

بحت إستغلالًا لخبرات وليد و سرعات كهربا و بادچي لتسجيل الجول التاني لكن خذله

كهربا بفرصة لو اتكررت 10 مرات هتدخل في 9 مرات منهم و هتضيع واحدة اللي هي

ضيعها كهربا النهاردة و كان هيتوج بيها مجهود فايلر والفريق في الماتش.. كهربا لازم ياخد

باله انه بيتعامل مع مدرب مبيفوتش كتير.

الأهلي نيوز :  بعد تعادل الهلال كل شئ تبدل.. اللاعيبة رجع ليها هاجس الخسارة برة

الأرض و الكل اتوتر و الكل بياخد قرارات غلط و شكل كان مش موجود طوال 95 دقيقة..

الأهلي لازم يبني على ال95 دقيقة قبل التعادل و يتعلم من الدقايق اللي بعد الدقيقة 95

لأن برة ملعبك وارد جدًا تستقبل مع فرق أقوى في الادوار القادمة و مينفعش بمجرد ما

تستقبل تخرج برة الماتش كدة.

الأهلي نيوز :  أخيرًا.. فايلر غير إنه مدرب جيد جدًا واضح أنه بيتعلم بسرعة.. في بداية

الموسم ديانج كان برة حساباته و حتى بعد إصابة حمدي فتحي كان برة الحسابات وحاليًا

لاعيب أساسي.. ياسر إبراهيم في بداية الموسم برة الحسابات وحاليًا المدافع الأساسي

للفريق.. معلول ثغرة دفاعية برة ملعبك ؟ يبقى أيمن يبدأ على حساب أفضل ظهير

هجومي في افريقيا.. أسلوب اللعب في الدوري مش قادر تطبقه في افريقيا ؟ تدور على

أسلوب لعب تاني و تطبقه.. الحفاظ على فايلر لازم تبقى أولوية مجلس الادارة.