أخبار الزمالك : شن محسن حافظ المستشار القانوني السابق لنادي الزمالك، هجوما
كبيرا على مرتضي منصور، رئيس نادي الزمالك.
وقال محسن حافظ في تصريحات عبر قناة الأهلي:” أنت عمرك ما كان لك فى الرياضة يا
مرتضى.. انت عمرك ما لعبت “بلى” وتقول لعبت ملاكمة بطل كدب بقي يا راجل”.
وتابع:”تعرضت للسباب على قناة الزمالك، انا تاريخك الاسود، تجيب سيرتى ليه، انت
عارف انت طلبت مني، طلب مني اقتحام غرفة المشورة بمحكمة الجنايات فى قضية
الدفاع الجوى عشان اقولهم انتم “مرتشين”.
أخبار الزمالك : محسن حافظ: انا خرجت مرتضي منصور في موقعة الجمل
وأوضح:” اللي عملته عشان مرتضى فى قضية موقعة الجمل مش هاعمله تانى.. وواحد
بيقولي انت “مرتشى” .. هو انا شغال فى الحكومة ، مرتشي مين يالا “.
وزاد:” أنا جاى ادافع عن الناس المحترمين، معرفش بيشتمهم ليه، ومفيش حد بيرد عليه،
انت ازاى تجيب سيرتى وانا قاعد فى البيت، ولو انا مرتشى انت شيخ منصر، انت حرامى
القرن”.
وأكمل:”بيكره الخطيب؟ هو بيكره المشاهير، عمل قصة عادل امام عشان كان فى قمة
مجده، الخطيب راجل محترم وابن ناس ومتربى، وانت مالك بمعهد التعاون ولا دبلوم
التجارة، دا الخطيب “شرف” المعهد .. الخطيب “عمل سعر” للمعهد”.
واستطرد:” مرتضى نسي تاريخه، اخره يمسك حديدة ويقف يذيع مين جرى بالكرة ومين
جاب جول”.
وأوضح:” أنا الصندوق الأسود بتاعك.. انت بتسب وتشتم فى الناس، معاه مفيش قانون،
وأنا عارف بس مينفعش اتكلم، وعارف مين اللي بيدفعك ووراك، قرن ايه وقطران ايه انت
عايز تعمل اي فيلم عشان تقول انا هنا”.
وأتم:” التاريخ لو بيتعمل بـ “اليوفط”، كان تاريخ مصر كله اتكتب بيها، اعضاء الزمالك ناس
محترمين والنادي الاهلي منافس ليهم، مش عارف بيعمل كدا ليه.. انت بتعمل فتنة ليه ما
تخليك فى حالك ما تبعد عن النادي الاهلي”