علق مجدى عبد الغنى لاعب الاهلى الاسبق، على قرار مجلس ادارة النادى الاهلى بمقاطعة قناة النادى الاهلى بالامس.
هذا القرار الذى تم اتخاذه وتم الاعلان عنه بالامس، مؤكداً ان الامور فى الوسط الرياضى الان تزداد تعصباً بين الجمهور الابيض والاحمر، وقنوات الاندية بترد على بعض.
من وجهة نظرى فكرة قنوات الاندية فى مصر مش حلوة، وكانت الدولة المفروض لا تعطى تراخيص لهذه القنوات، الا فى ظروف ووفق ضوابط معينه، انما اللى بيحصل سمك لبن تمر هندى.
سكة البيانات اللى ماشيين فيها دى سكة مش صح، كفاية بقى اللى بيحصل، دا بيتكلم ودا بيرد عليه، الدنيا بقت بايظة، وكل واحد راكب دماغة وعاملين وطنيين.
اول مرة تحصل فى التاريخ، نادى بيشتكى قناته، قناه رسميه للنادى وعليها لوجو وشعار النادى، وكل اللى فيها اهلاوية، ونيجى نقاطعها ونشتكى منها.
كدا يتضح ان النادى الاهلى ومجلس ادارته، مش راضيين عن سياسة قناة النادى الرسميه، لانه كدا عايز برامج ترد ودا مينفعش.