أخبار الأهلي : كشف الإعلامى أحمد شوبير أن الاتحاد الدولى لكرة اليد سيرفض قرار المهندس هشام نصر، رئيس اتحاد كرة اليد، باستكمال مباريات الموسم الماضى بالقائمة القديمة.
وقال شوبير فى برنامجه الإذاعى عبر أون سبورت إف إم، “تحدثت مع الدكتور حسن مصطفى رئيس الاتحاد الدولى لكرة اليد وأبلغنى باستحالة الموافقة على قرار اتحاد كرة اليد المصرى باستكمال الموسم بالقائمة القديمة، وقال لى نصاً “ده مش بيحصل فى أى مكان فى العالم”، وبكرر أنا قابلته وكلمته مش بتوقع يعنى كلامه وأتحدى حد يكذبنى”.
أخبار الأهلي : حسن مصطفى يجتمع بهشام نصر
وأضاف شوبير، “لما بتكلم فى الأصول والصح معرفش الناس بتزعل ليه، والمهندس هشام نصر معرفش زعلان ليه مع إن علاقتى الشخصية بيه جيدة وكمان أنا مؤمن أن اتحاد كرة اليد يعيش أزهى عصوره، بس الصح صح والغلط غلط، قرار استكمال الموسم بالقائمة القديمة ده هزار ولجنة المسابقات بالاتحاد الدولة مستحيل توافق عليه ”
وتابع شوبير، “هشام نصر بيقول ليه نقحم حسن مصطفى فى كل كبيرة وصغيرة وأنا بأكد ليه أنه بكره فى اجتماع بينه وبين حسن مصطفى عشان موضوع القائمة القديمة، وياجماعة الموضوع مالوش علاقة بأهلى ولا زمالك دى قوانين وثوابت وفى لاعبين مشيوا من الأندية إزاى يلعبوا فى أندية تانية ده موقف غير قانونى بالمرة”.