الأهلي اليوم : نقاط ضعف الترجي وكيف يخطف الأهلي الفوز في رادس ؟

الأهلي اليوم : بشكل كبير الترجي هينزل بال 4-1-4-1 و تتحول إلى 4-4-2 صريحه في حالة تواجد بلال مجري بدلاً من سعد بقير ويلعب مع هيثم الجويني ثنائي رأس حربة وبنسبة كبيرة سيتم الدفع بهم ، التركيز بشكل كبير على الجبهة اليسرى اكتر ، أسلحة الترجي في الركنيات والكرات الثابتة واكتساب الكرة الثانية من حدود المنطقة خاصة zone 14 اللي على قوس ال18 واللي تلزم من عاشور مراقبتها جيدا ، هنلاقي شوية أمور بتحصل من لاعبي الترجي زي توقف احد لاعبيه أمام الشناوي لأجل التشتيت وصعوبة الرؤية في تنفيذ الركنية ، إعطاء ادوار باللعب مان مترحل مع وليد سليمان لتقييده .

الأهلي اليوم : كيف يستغل الأهلي ضعف الترجي في رادس؟

الأهلي اليوم : كوليبالي واللي هيكون وحيداً بدون فرانك كوم ، اللي بيكون اعلى دايما على مستوى التدخلات وقطع الكرات والتأثير الدفاعي اقوى ، رغم صلابة كوليبالي ولو تقدم عندة ملكة التسديد الا ان عنده مشكله في تمركزاته مش مثاليه ، وتقدر تفوت منه بنص موهبه ..قوة بدون عقل ..

الأهلي اليوم : في مؤشر احصائي لازم وراه دلالة فنية مهمة تشتغل عليها ، الترجي في خلال دور المجموعات مرورا إلى نصف النهائي سجل 15 هدف منهم 13 هدف في رادس ، واستقبل 8 اهداف منهم 6 اهداف في رادس ، ده يوضح أن منظومة الترجي في رادس هجومية ولكن لاشك أن المنظومة غير متكاملة بدليل استقباله اكثر من نصف الأهداف اللي سجلها ، الرهان دايما في رادس قصاد الترجي بيكون في الضغط على دفاعات الترجي عند بناء الهجمة ، اي ضغط عليهم يربكهم نظرا أن اللاعبين مش بيلجأوا للتشتيت في أغلب الاوقات ، كمان انت محتاج للاستحواذ على الكورة لان ده اللي هيخليك تكسب المباراة .

الأهلي اليوم : التوتر والوقت لصالح الأهلي

الأهلي اليوم : لاشك أن لاعبي الترجي في بداية اللقاء سيكون التوتر حليفهم بنسبة كبيرة .. التسرع في التسجيل مع الحماس الجماهيري في البداية هيخلي اللاعبين مشتتين نسبيا ، علينا التماسك في أول فترات الشوطين والتحلي بالتركيز .. خطف هدف في أول نصف ساعة سيربك الحسابات تمام لدى الترجي .