أخبار الأهلي : علق مرتضى منصور رئيس مجلس إدارة نادي الزمالك، على إرسال إدارة نادي بيراميدز، خطابًا رسميًا إلى الاتحاد المصري لكرة القدم ورابطة الأندية، خلال الساعات الماضية؛ للمطالبة بالمشاركة في بطولة دوري أبطال إفريقيا بدلا من الأهلي، باعتبار بيراميدز صاحب المركز الثاني في جدول مسابقة الدوري المصري الممتاز، حاليا.
مرتضى منصور: كفاية مجاملات.. بيراميدز أحق من الأهلي
وقال «منصور» «بصراحة شديدة كفاية مجاملات، من حق فريق بيراميدز المشاركة ببطولة دوري أبطال إفريقيا، باعتباره في المركز الثاني حاليا وليس الأهلي».
وتابع رئيس مجلس إدارة نادي الزمالك: «كل الفرق لعبت كل مبارياتها في الدور الأول، وبيراميدز هو الأحق بالمشاركة في دوري أبطال إفريقيا، باعتباره صاحب المركز الثاني».
إسلام الشاطر: ما يتم تداوله غرضه زعزعة استقرار الأهلي
فيما علق الإعلامي إسلام الشاطر على ما أثير خلال الساعات الماضية بشأن طلب نادي بيراميدز المشاركة بدلا من الأهلي في دوري أبطال أفريقيا وخوض الأحمر بطولة الكونفدرالية.
وقال الشاطر خلال حديثه بقناة النادي الأهلي: «هناك حروب شرسة على النادي الأهلي وكأن سيطرته على البطولات من وقت معرفة مصر كرة القدم بيزعج البعض الناس بتتزعج من الأمر ده».
وتابع : «هناك أخبار بتحاول تزعزع استقرار الفريق مش عارف الواحد يتكلم فيها إزاي هو دوري الأبطال يكون بطولة غير الأهلي تخيلوا البطولة بدون عملاق أفريقيا الكاف بس هيخسر بالمناسبة آخر 6 نهائيات الأهلي لعب منهم 5 ونجح في الفوز بـ2 وخسرنا 3 ألقاب».
وأكمل :«أفريقيا كلها هتزعل إن الأهلي مش موجود لو ولكن هي شائعات الغرض منها فقط الأهلي يلعب مباراة الخميس المقبل وهي بتفكر في 100 حاجة ويتم تشتيتها واللي اعترض حقه بينظر لمصلحته ولكن من إمتى الكلام ده بيحصل عدالة إيه اللي بتتكلموا عنها هو العدالة إن أي فريق يصل إلى دوري أبطال أفريقيا بدون الفريق التاني ما يكون لعب مباريات قدك هل هذه العدالة ولكن ما حدث هو العدل».
وأردف: «إحنا بقالنا 4 سنين بنختار كده هو إيه حصل هذا الموسم ولو تم إرسالها يوم 31 هيكون فيه ظلم للأهلي لأن هيكون فيه مباراة مؤجلة أمام الإسماعيلي أنت عايز تلعب مكان سيد أفريقيا هل هذا كلام واللي هيحصل اللي هيشارك الأندية اللي اتبعت من الاتحاد المصري هي اللي هتشارك في أماكنها الأبطال والكونفدرالية لو قفلنا النادي الأهلي 10 سنين ونمنا وصحينا محدش هيعدي الأهلي برضه».