أخبار الأهلي : فريق الأهلي يقدم أداء جماعي ومنظم لأول مرة منذ شهور ، الأهلي أمام
المصري عاد لطريقة 4-2-3-1 في أغلب أوقات الماتش و أحيانًا كانت بتتحول برده ل4-3-3
الفريق لعب ككتلة واحدة سواء في وقت الضغط أو وقت الارتداد و التمركز مما منح الفريق أفضلية في اللقاء.
أخبار الأهلي : أداء جيد من لاسارتي في لقاء الأهلي والمصري
أخبار الأهلي : ا أدوار دفاعية مقبولة لجيرالدو و آجاي على الأطراف عكس اغلب ماتشات
الأهلي مع لاسارتي ، مساندة إيجابية من أحمد فتحي وحمدي فتحي لباسم علي
ومعلول خاصةً فتحي مع باسم بسبب وجود اسلام عيسى و الأهم بقى إننا شوفنا دور
دفاعي مهم لصالح جمعة بيتمثل في إنه بيرجع يلعب مكان لاعب الارتكاز اللي بيميل
على طرف من الطرفين و دي النقط اللي كانت بتنقص أهلي لاسارتي و اللي اتكلمنا عنها كتير.
أخبار الأهلي : اللحظة اللي كان الأهلي بيفقد فيها الكرة آخر خط في ملعب الأهلي
قريب من اول خط عشان كدة الأهلي نجح في الضغط و نجح في انه يكسب أغلب الكور التانية ،
ياسر ابراهيم قدم ماتش ممتاز و اداءه مع أوستن أوموتو لازم يتبروز و خط دفاع الأهلي ينقصه رامي ربيعة بجانب ياسر الحقيقة.
أخبار الأهلي : أداء جيد لعدد كبيرلا من لاعبي الأهلي
أخبار الأهلي : حمدي فتحي و أحمد فتحي عملوا مع بعض ماتش رائع من حيث معدلات
الجري و استخلاص الكورة و حمدي فتحي مع صالح جمعة عملوا ماتش ممتاز من حيث
نقل هجمة الأهلي تحت ضغط المصري في نص الملعب و كمثال لعبة ضربة الجزاء من
بدايتها كانت عبارة عن باص بسيط من صالح لحمدي لكن ضرب بيه خط نص المصري كله
و ثرو من حمدي لأزارو ضرب بيه خط دفاع المصري، عدم مشاركة حمدي فتحي في ماتشات الأهلي المقبلة هو درب من الجنون.
أخبار الأهلي : آجاي كنت حاسس ان الأهلي بيلعب معاه راجل عنده 70 سنة لدرجة ان
الكورة الوحيدة اللي عمل فيها چامب وقع مسك رجله كأنه راجل مُسن.
عمرو جمال