الأهلي اليوم : يكفي مثل هذا اليوم انه تزين بميلاد حسن حمدي ، فهو أهم نقطة تحول
وأهم ثورة ادارية عرفها النادي الأهلي هو فكرة التطوير والتحديث مع التمسك بالثوابت ،
عبقرية حسن حمدي مش في تحقيقة لاكتر من ٢٥ بطولة كرئيس نادي انما في قدرته
الرهيبة على توفير وخلق ظروف النجاح المثالية لتحقيق البطولات دي. الفكرة مش في التأثير الرقمي بقدر ما هي في التأثير النوعي .
الأهلي اليوم : حسن حمدي قائد ثورة الأهلي
الأهلي اليوم : حسن حمدي هو من اطلق رصاصة الرحمة على اكذوبة القطب الثاني للكرة المصرية.
حسن حمدي كأنه كان ماسك عصاية سحرية شاور بيها على تاريخ الزمالك فقرر تجميده
لسنوات عشان نعيش لحظات كل دور الزمالك فيها تاريخيا انه يتفرج في صمت وعجز على مجد الأهلي .
مش بس انك تبقى رئيس نادي وانت عندك ٢٩ بطولة دوري والزمالك ١١ بطوله دوري
فتمشي من النادي وانت عندك ٣٦ بطولة دوري ولسه سايب المنافس بتاعك واقف عند نفس النقطة عاجز عند نفس ال ١١ دوري .
الأهلي اليوم : حسن حمدي جمد تاريخ الزمالك
الأهلي اليوم : ولو حصل محليا فاللي حصل افريقيا كان ملحمي كان أمر لو تعلمون عظيم
. كان في نقطة في تاريخنا فيها خلل كل حاجة في تاريخنا صح الا دي مينفعش منكونش
رقم ١ فقرر حسن حمدي انه يخلص الأهلي من كابوس اكذوبة ان الزمالك اقل من
الأهلي محليا عشان الأهلي بيتجامل في مصر انما في افريقيا الزمالك ٥ دوري ابطال
والأهلي ٣ عشان مفيش مجاملات فيقوم حسن حمدي يسقط اخر ورقة توت بتغطي
عورتهم ويسيب النادي الأهلي وهو ٨ دوري ابطال افريقيا والزمالك ثابت عند ٥ بطولات عشان يكون حسن حمدي هو اللي داس وفرم كل أكاذيبهم
الأهلي اليوم :حسن حمدي على مستوى الشخصية كان مسالم ظاهريا مبتسم ولكن
ابتسامة شخص لدية من الثبات ما يجعله يبتسم في كل الاحوال ولكن عشق حسن
حمدي للصيد كان الانعكاس الحقيقي لشخصيته شخص عارف كويس امتى يطلق النار وعلى مين وازاي يصيب الهدف من محاولة واحدة.