أخبار الأهلي : مخطئ من يظن ان التعاقد مع قفشة هو تدعيم للرفاهية بل هي صفقة
ضرورية وملحة جدا ولا تقل عن أهمية التعاقد مع ديانج أو مدافع أو مهاجم أجنبي .. لا وليد مركز ١٠،
ولا ناصر اكتسب الثقة وأثبت أقدامه بشكل كامل، ولا أحمد حمدي وعمار هتعتمد عليهم حاليا،
ولا صالح يقدر يشيل الفريق موسم كامل خصوصا انه لايزال يعاني بدنيا، كمان الأهلي
في عرض أي لاعب جوكر مجييييد وليس للترقيع، لما يبقى قدامك لاعب بيلعب في مركز
٨ زي ١٠ بالظبط وهيقفلك المركزين دول تماما لسنوات مقبلة فده يتخطف
أخبار الأهلي : صفقة قفشة تحل أزمات للأهلي
أخبار الأهلي : لما يبقى قدامك لاعب بيجيد التسديد من الخارج ده يتخطف، لما يبقى
قدامك لاعب بيلعب الركلات الثابتة سواء المباشرة على المرمى أو غير المباشرة مثل
الركنيات بإيده فده يتخطف، لما يبقى قدامك لاعب قوي بدنيا ومعدل إصاباته ضعيف فده
يتخطف، لما يبقى قدامك لاعب موهوب مش مصنوع فده يتخطف، لما يبقى قدامك لاعب
كنتروله ممتاز ومهاري وعنده شخصية وبيظهر لزملائه وبيجمع وبيدور لعب وبيقوم بنفس أدوار الأخ السعيد في عزه فده يتخطف
أخبارالأهلي : لما يبقى قدامك لاعب معدله الرقمي ممتاز قياسا بعدد مشاركاته فده يتخطف،
لما يبقى كل ما سبق معجون أهلي وقدم تضحيات كبيرة ورفض كل الاغراءات والضغوط
وعنده ٢٣ سنة يبقى نقوله ويلكم وأهلا وسهلا تنور وتشرف بيتك يا موهوب وده مكانك اللي يليق بيك وتليق عليه